พญานาคแห่งลำโขง เพิ่นยึดโยงทุกศรัทธา ไทเมือง-บ้านบูซา ด้วยควมเซื่อแห่งชีวี จากใต้กระแสน้ำ ทะยานย้ำนำวิถี ดวงไฟแห่งนาคี คือฮุ่งแสงแจ้งจางปาง นบไหว้พระพุทธเจ้า ให้เฮาเห็นจนกระจ่าง ตรัสฮู้เชิดชูทาง ควมเพียรถือคือพลัง สู้ทุกข์ด้วยควมเพียร มุฮ่ำเฮียนสติตั้ง ย่อมเกิดปัญญาดัง - ดุจฮุ่งแสงแห่งดวงไฟ เซื่อแล้วลงมือเฮ็ด ให้เวียกเสร็จตามวิสัย ตรองตรินำวินัย หนุนจิตอิ่มทิพย์จากงาน นำแสงไฟนาคส่อง เพื่อลุกป้องสิทธิ์อีสาน เฮียนทุกศาสตร์ศิลป์จาร แจ้งความฮู้แห่งสากล เพื่อลุกขึ้นทวงสิทธิ์ ยกชีวิตอีสานชน สิทธิ์เฮาถืกผู้คน ดูถูกชี้บั่นบีฑา เซื่อในสิ่งที่เฮ็ด ย่อมสำเร็จสัมฤทธิ์ค่า เฮ็ดสิ่งที่เซื่อพา ย่อมอาจสู้กู้สิทธิ์คืน ฮุ่งแสงแจ้งดวงไฟ จื่อจำไว้ใช้ขัดขืน บากบั่นย่อมมั่นยืน พญานาคเพิ่นฝากตรอง อย่าให้ไผเหยียบย่ำ ปัญญานำย้ำกลั่นกรอง เถิดลุกขึ้นปกป้อง ศักดิ์และศรีอีสานเทอญ
เชษฐภัทร วิสัยจร 21 ก.ค. 2553 12:50 น. - ID 135966 
1865
0
0
2 สิงหาคม 2553 20:15 น. - comment id 1149258
ขอให้สิ่งที่เซื่อและเฮ็ดจงสำเร็จ
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
