หน้าส่วนตัว
ผญา วันนี้ขอเสนอตัวอย่างกลอนผญาที่ เกี่ยวกับความรักที่หนุ่มสาวเขาจีบกัน โดยการจ่ายผญา ครับ
ฯ คำแพงเอ้ย อ้ายนี่คิดฮอดน้อง ทุกแลงงายเซ้าค่ำ
ยามกินข้าวอาบน้ำ คะนิงเจ้าอยู้สู่ยาม
มื้อใด๋บ่พ้อหน้า โทรมาหากะไคแหน่
ได้ยินเสียงแจ่มเจ้า กินข้าวกะแซบนัว
มื้อได๋บ่พ้อหน้า เห็นหลังคากะพออยู่
เห็นแต่ซิ่นพาดฮั้ว กะปานได้นั่งนำ
ยามตักบาตรหยาดน้ำ อ้ายแบ่งส่วนบุญกุศล
ให้กับสองคนเฮา พ้อกันอยู่ภายหน้า
คันน้องคิดฮอดอ้าย ให้มืนตาใส่น้ำแจ่ว
คันมันแสบแจ้วแจ้ว ใจอ้ายกะดั่งกัน
ยามอ้ายคิดฮอดน้อง เหลียวเบิ่งแต่เดือนดาว
ลางเทื่อสายตาเฮา จวบกันอยู่เทิงฟ้า พุ้นแล้ว ฯ
ศัพท์ จ่ายผญา หมายถึง พูดโต้ตอบผญากัน
คิดฮอด หมายถึง คิดถึง
คะนิง หมายถึง คะนึงหา ถวิลหา
คำแพง หมายถึง คำที่เรียกผูหญิงที่เรารักมาก ๆ
เช่น ที่รัก สวีทฮาร์ท ฮันนี่
ทำนองนั้นครับ
มื้อใด๋ หมายถึง วันใด
ไคแหน่ หมายถึง ค่อยยังชั่ว
แซบนัว หมายถึง อร่อยมาก
ซิ่น หมายถึง ผ้าถุง
พาดฮั้ว หมายถึง พาดรั้ว
กะ หมายถึง ก็
พ้อ หมายถึง พบเจอ
เฮา หมายถึง เรา
มืนตา หมายถึง ลืมตา
น้ำแจ่ว หมายถึง น้ำพริก
เบิ่ง หมายถึง มองดู
ลางเทื่อ หมายถึง บางครั้ง
จวบ หมายถึง เจอ พบ
เทิง หมายถึง บน
แปล และความหมาย
ที่รัก เวลาพี่นี้คิดถึงเจ้าทุกค่ำทุกเช้าทั้งเวลากินข้าว และอาบน้ำ
วันไหนไม่เจอหน้ากัน น้องเจ้าโทรศัพท์หาก็ค่อยยังชั่ว
ได้ยินเสียงน้องแล้วกินข้าวก็อร่อย วันไหนไม่เจอหน้า
มองเห็นหลังคาบ้านน้องก็ดีแล้ว เห็นผ้าถุงน้องตากที่ริมรั้ว
ก็เหมือนได้นั่งคุยด้วย ยามตักบาตรพี่ก็อธิษฐานให้เราได้เจอกัน
ในภายหน้า ถ้าหากน้องคิดถึงพี่ ให้ลืมตาใส่น้ำพริก ถ้ารู้สึกแสบ ๆ
ใจพี่ก็เช่นเดียวกัน เวลาที่พี่คิดถึงน้องพี่พี่ก็ได้แต่มองดูดาวเดือน
เผื่อบางที่สายตาสองอาจเจอกันที่บนฟ้าก็ได้
สุรศรี
สุรศรี 26 พ.ย. 2552 06:34 น. - ID 130922 
4893
8
0
26 พฤศจิกายน 2552 08:37 น. - comment id 1068140
ไพเราะดีครับ
26 พฤศจิกายน 2552 08:57 น. - comment id 1068142
คันแม่นคึดฮอดข่อย จดหมายน้อยกะบ่เห็น ว่าแต่มีใจฮัก แต่บ่เห็นความเว้า
แวะมาเยี่ยมค่ะ.....
26 พฤศจิกายน 2552 22:15 น. - comment id 1068331
สุดยอดจริง ๆ ครับ เจ้าพ่อผญาข้าน้อยขอคารวะ
26 พฤศจิกายน 2552 22:33 น. - comment id 1068339
ไพเราะมากค่ะ
27 พฤศจิกายน 2552 01:00 น. - comment id 1068359
หล่าคำแพงยินอ้าย บ่ อ้ายสิคิดฮอดเจ้า มื้อใด๋ สิพ้อ... อิอิ....เยี่ยมค่ะ ต่อนะคะ เหมือนได้เรียน ภาษาอีสานน่ะ ชอบค่ะ
27 พฤศจิกายน 2552 05:34 น. - comment id 1068376
คึดฮอดบ้านผยาหลายเด้อ ว่าอยากหยับสวนหม่อน มาซอนสวนหมี่ ว่าสิหยับหมากมี่ มาส้อนหมากขนุน จบบทแล้วสิลาลงโค้ง ให้เจ้าอ้วยส้วยมวยขึ้นสู่ยามเด้อ อ้อลืมแปลสำหรับท่านที่ไม่ใช่คนอิสาน แปลว่าอยากเกี่ยวดองนั่นเองค่ะ
28 พฤศจิกายน 2552 05:37 น. - comment id 1068666
แนวนาบ่สมข้าว เสาเฮือนบ่สมขื่อ ผือบ่สมสาดเหี้ยน งัวเกวียนบ่สมแอก ตาแฮกบ่สมไก่ต้ม งมเลี้ยงกะบ่กิน คำบ่สมสร้อย พลอยนิลบ่สมพี่ ผมปั้นหยีบ่สมควงดอกไม้ แสนสิเอ้กะบ่คือ ในเมื่อฐานะเราไม่เหมาะสมกัน จะทำจะคิดอะไรย่อมเป็นไปได้ยาก
28 พฤศจิกายน 2552 07:53 น. - comment id 1068677
แมงเม่าบินอยู่ฟ้า ยังบ่ม้มปากอึ่งยาง มันบ่แน่ดอกนาย ... แม่นบ่..555
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
