ผญา ยอย้อง อ้ายน้องลาว อย่าดูถูกบักหอยนาผู้หน้าก่ำ บาดห่ายามคึดพ้อยังสิได้อ่อมแกง เห็นบ่นอพี่น้อง อ้ายใหญ่ไทเฮา พี่น้องลาวจัดซีเกม ใหญ่โตเอาหลือฮ้าย อลังการงานสร้าง พิธีเปิดกะเฮ็ดใหญ่ ตื่นตาซุมพี่น้อง อาเซี่ยนคึดบ่เถิง เป็นเจ้าภาพเทื่อแรก จั๋งได๋นอคักอยู่บ่ ข่อยว่าคักแท้ ๆ จัดได้คักอีหลี ประเพณีเมืองบ้าน โบราณแสดงออก มีแต่ของดีล้วน รำฟ้อนอ่อนหลาย มีน้ำใจยิ้มแย้ม ต้อนฮับชวนหัว เว้ากะนัวเสียงหวาน ม่วนยินปานกินอ้อย ซุมผู้สาวศรีสร้อย ขาวงามเป็นตาเบิ่ง ใส่ซิ่นไหมหัวยุ้มยุ้ม ยามยิ้มจักแม่นงาม เตะหมากบานคนหลายล้น จนสนามนอแทบสิแตก ส่อยกันเซียเป็นล้าน ไทบ้านบ่เคยเห็น อ้ายลำเนาเก่งเอาฮ้าย อ้ายกัลยากะไคอยู่ ส่อยกันพังประตูให้ พอปานได้เหรียญคำ เตะกะต้อมื้อนั้น บ่มีไผสิคาดคึด ว่าไทยลาวอ้ายน้อง สิเป็นเจ้าคู่ซิง ล้มเสือเหลืองมาเลย์แล้ว กะมาซิงกับอ้ายใหญ่ บ่มีไผสิคึดได้ เกมนั่นแม่นสูสี อ้ายดาวีสิงอีซ้าย ขวัญใจลาวฮู้บ่ เสิร์ฟกะต้อแต่ละครั้ง คนลาวตั้งแต่ท่าเฮ ลาวมาไกลโพดแล้ว กะต้อลาวให้คึดเบิ่ง คู่แข่งเป็นตาย้าน เมือหน้าให้ระวัง เพิ่นยังว่าเวียงจันทน์เศร้า สาวเอ้ยอย่าฟ้าวว่า มันสิโป้บาดหล่า หมากแตงซ้างหน่าวยปาย พี่น้องลาวคู่มื้อนี้ บ่มีไผดูถูก ทรัพย์สินมีร้อยล้าน เทิงป่าไม้กะแห่งหลาย เหมืองทองคำกะมีพร้อม ดีบุคกะมีอยู่ สัมปทานหลายล้น คนท่องเที่ยวนับบ่ไหว ประเพณีหมู่นั้น ใผบ่เห็นให้ไปเบิ่ง ของดีมีสู่หม่อง หลายล้นอนกนอง เมืองไทยเฮาให้ฟ้าว มีตาให้เหลียวเบิ่ง ประเทศน้อยเขาหากได้ ไปไกลแล้วส่องบ่เห็น อย่ามัวแต่แตกแยก สีเหลืองแดงให้คึดแหน่ กัดแต่กันอยู่สู่มื้อ อายไทบ้านแหน่เป็นหยัง ฯ ศัพท์ กะต้อ หมายถึง ตะกร้อ คึด หมายถึง คิด ฟ้าว หมายถึง รีบ เป็นตาย้าน หมายถึง น่ากลัว เหลียวเบิ่ง หมายถึง มองดู คึดพ้อ หมายถึง คิดได้ ม่วน หมายถึง สนุก หัวยุ้มยุ้ม หมายถึง หัวยิ้มแย้ม
สุรศรี 16 ธ.ค. 2552 14:45 น. - ID 131416 
3722
5
0
16 ธันวาคม 2552 16:24 น. - comment id 1074880
...อ้ายเอ้ย..น้องคนใหม่เข่ามาเว้าเข่ามาเบิ่ง อ่านผญาอ้ายแล้วแนวใจสิไห่เบิ่ง อย่าเพิ่งว่าด่านางเด้ออ้ายเอ้ย... ...อ้ายเอ้ยน้องซาตานเข่ามาเว่าส่งใจไห่อ้ายเบิ่งหวังไมตรีหยิบยื่นอย่าเป็นอื่นเด้ออ้ายเด้อ..ว่าซ่านแหล่วววว...
16 ธันวาคม 2552 18:43 น. - comment id 1074915
ฮ่วยนางฟ้าเป็นพี่น้องบ้านเฮาตี้ โอ้ยดีใจหลายแท้ๆเด้บัดนี่ มายามเด้อจ้าอยู่ดีมีแฮงฮักแพงหลายๆพี่น้องบ้านเฮา
16 ธันวาคม 2552 19:45 น. - comment id 1074948
สอยสอยๆๆๆ นกแต็ดแต้แหวดแว่อยู่นา ชวนทิดหล่าไปเว้าสาวลาว
16 ธันวาคม 2552 21:19 น. - comment id 1074997
อ้ายศรี..... ตาออนซอนอีหลีเด้ออ้าย
17 ธันวาคม 2552 07:05 น. - comment id 1075075
หน้าส่วนตัว
ซำบายดี สู่คน.....
สุขเสมอหมั่นเสมอมันเครือเก่า
อ้ายศรีกลับมาเว้านำซุมเจ้าดังเดิม
....เอ..ผมไม่คุ้นเลยนางฟ้าบ้านเรา
ไหงเป็นซาตานไปได้...ช่างเถอะไม่สนใจ
...คื้อเก่า...อ้ายยังฮักน้องคือเก่า...
คุณนรสิริด้วยเด้อ ...ยังคือเก่าเหมียนเดิม
มักหลายกว่าเก่า
....ฮ่วย พี่ใหญ่ปติ ก็สอยเป็น...ป้าด
อะไรจะไหนหนาด....นึกว่าเป็นแต่โคลงกลอนและจบสาวส่ำน้อย..แฮะ ๆ
...น้องสุริยันต์...ว่าง ๆ เราข้วมฝั่งไปเว้าสาวลาวบ่ พี่เป็นเจ้าภาพก็ได้บ้านพี่อยู่ห่างฝั่ง 15
กิโล แต่อยู่ห่างขัวมิตรภาพ 220 กิโล
ไม่ไกลเกินฝันถ้าเราท่านมีเงินล้านกีบ
100 กีบ เท่ากับ 4 บาท....
เออ....มีเด็กบ้านพี่เขาไปขอสาวแต่งงานที่ต่างประเทศ พ่อแม่แทบเป็นลมเมื่อเจ้าสาวเรียกสินสอด 4 ล้าน....ป้าด ถือเงินไปแค่ 4 หมื่น
ครับ ...4 หมื่นก็เท่ากับ 4 ล้านกีบ
คับ ซำบายดี
อ้ายสุรศรี
17 ธันวาคม 2552 08:43 น. - comment id 1075096
...นางฟ้าซาตานเป็นน้องบ้านนี้มื้อบ่ดน หวังพี่น้องสู่คนอย่าหนีหน่าไปไส ว่างกะเว่ามายามเผิ่นพี่น้องเอ้ย... เว่าลาวบ่เก่งแต่กะพอไปได่อยู่ดีมีแฮงเน้อ เอื้อย นรศิริ กับอ้าย สุรศรี และพี่อ้ายสู่คน ยินดีที่ได่ฮู้จักเด้ออ้าย...
20 ธันวาคม 2552 10:19 น. - comment id 1076419
ผม ยอมรับ ท่านเพ่ๆๆ ครับ แต่งผญา ได้เก่งจริงๆ ผมยังมะกล้าแต่งสดเลย อิอิ ยังมะถึงขั้น ห่างมาบ้าน มาดนเติบ
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
