อุกอั่งแท้อีแม่เอ้ย..เฉลยเว้า หัวใจเศร้า..บ่เอาถ่าว่าซ่างเป็น ย้อนว่าโตข้อยข้าน้อยอยู่ผู้เดียวเห็น จักแม่นกรรมหรือเวร..เป็นจั่งใดใจนี้ ใจฮ้องแฮงดังแสงฟ้าหาความฮัก ใจมันหักว่ามักไผกะไปหนี ทุกข์บ่จอดบ่มอดเหมิดแต่เกิดกี้ สิ่แล่นลี้หนีไปไส..ใจบ่หม่ม หลูโตนใจฮ้องไห้บ่ได้ซา คือจั่งบ้า..ว่าซ่างเฮ็ดเหตุให้ขม เจ็บบ่ห่อนฮ้อนแฮงแทงทับทม ปวดระบม..ถมแต่เศร้าเหงาบ่หาย สู่มื้อหนอท้อถอย..คอยแต่เจ็บ เจ้าฝากฝอยรอยเล็บไว้ในใจอ้าย เจ็บบ่ซาบ่ล้าหร่อยฮอยแพ้พ่าย สะเดิดฝันมันฮ้าย..จนผ่ายผอม คงอีกโดนโม่นหมองสิออกหาย จนโตอ้ายตายไข้สิไปพร้อม เจ็บเทื่อนี้อ้ายพี่หนักกับฮักหอม ใจตรมตรอมกล่อมแต่เศร้า..บ่เล่าลืม (นางเอย)
3441
4
0
11 พฤษภาคม 2555 13:56 น. - comment id 1232924
เจ็บแท้... เจ็บคัก.. เจ็บหลาย.. บ่เล่าลืม.. เด้อนาง คิดถึงเพื่อนกลอนทุกท่านครับ
11 พฤษภาคม 2555 14:14 น. - comment id 1232943
เจ็บอีหลีเบาะ..ตาลูโตนเนาะ..บ้านเดียวกันบ่แหนะ
11 พฤษภาคม 2555 15:06 น. - comment id 1232952
อุกอั่งแท้ บ่น๊อ อีพ่อข้อย คือหายจ้อย มิดสี่หลี่ หนีอีหยัง แหม่นเผิ่นเว้า ตีหน้าเศร้าเป็นตาซัง จั๊กแหม่นหยัง อกหักแค่นี้ บ่มีตาย แวะมาแซวผู้บ่าวบ้านเฮาเด้อ
11 พฤษภาคม 2555 16:23 น. - comment id 1232963
สะเดิดหว่าซั่น เห็นภาพเลยเนาะคำนี่ อิอิ
11 พฤษภาคม 2555 21:14 น. - comment id 1233018
12 พฤษภาคม 2555 06:52 น. - comment id 1233054
อกหักไม่ตาย แถมยังสร้างภูมิต้านทานให้ชีวิตอรุณสวัสดิ์ครับ
13 พฤษภาคม 2555 17:06 น. - comment id 1233268
ชอบครับกลอนเป็นภาษาท้องถิ่น อนุรักษ์ทั้งกลอนทั้งภาษาไปในตัว
ผมอ่านออกแต่แปลได้บ้าง ไม่ได้บ้าง แต่ก็พอรู้ครับ .. เหมือนเป็นการนำดนตรีพื้นเมืองมาเล่นด้วยดนตรีสากลครับ แนวมาก
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
