เทิดเกียรติ ค่าวซอพญาพรม 6

ปติ ตันขุนทด

ต่อจาก  5
แรกเริ่มเดิมจ๋า  ตกลงเหลียกหล้ม  จิ่งป๋งอารมณ์เชื่อน้อง  ก็บ่สมเหมือน   นางจมปากป๊อง   จ๋าฟู่ต้านเอางาม   ปากน้องว่าแต๊  ใจ๋นายบ่ตาม  เอาน้ำใสงาม  มาล้าง
ซ่วยหน้า    ป๊อยบ่มีเหมือน   กำนายฟู่ข้า  บ่สมวาตาแห่งน้อง    หัวใจญิง  เหมือนปินป้าดก๊อง   พินพาทย์แก้วเภรี  คนอกเนื้อ   เขาเชื่อลองตี๋   เสียงวอนดี  บ่จ๋นเรื่องได้   มางืดหัวใจ๋   แม่แพรจี๋นใต้   เป๋นในใดไปอย่างนี้   อยู่ดีดี  หนีหน้าหลีกลี้   เป๋นดั่งอี้ยังมี  สมสู่รักบ่ตันเถิงปี๋   มาก๋วนเตควี  ละพี่เสียได้   ส่วนเป๋น
ไผ  บ่รนร่ำไห้   เป๋นสันใดนายบ่คิด   มาเอาตั๋วตน  พี่เป๋นง้วนปี๊ด  คิดเยื่องอั้นสันใด   สองล่งตั๊ด  ยามผาไศล  บ่ขินดวงทัย  จ๋าแข็งแดกหย้อ   กำผิดเถียงกั๋น  บ่มีสักข้อ  มาจ๋างจืดคายง่ายนัก   อยู่กับกั๋น  ก่ำลังพองรัก    บ่มีหว่างอั้นตังจัง      บัดเดียวเดี่ยวนี้  โทษพี่มีสัง  น้องจ๋งจิงจัง   บ่หวังผ่อหน้า   มาขัดแก๋นใจ๋   สิ่งใดหื้อข้า   มาสวะตุมลาขว้างละ   ของน้องเกยกิ๋น   ป๊อยขี้เหลียดจ๊ะ   ไผว่าหื้อสันใด   ฤาฝูงพี่น้อง  บ่ชอบปอใจ๋  จ๋าร่ำไร  ติเตี๋ยนว่าห้าม   ริษยา  นินตาจ่มส้าม  กั๋วโทษมาปาป๊ะน้อง.......ต่อตอน  7
********************************
คำว่า  ป๊อย   ผมก็ตีความหมายไม่ค่อยมั่นใจ  แปลว่าพูด  หรือว่า  สนทนา  หรือว่า  ทำ   หรือว่า  การกระทำใดกระทำหนึ่ง  
คุณวิริศมาหรา   ช่วยอธิบายด้วยนะครับ  จักขอบพระคุณยิ่ง