ฮักน้องตอนเมา

ยังเยาว์

อ้ายโซเซ เดินตาม ถามฮอดบ้าน
ว่าหนีงาน เลี้ยงอ้าย มาเฮ็ดหยัง
หรือว่าเจ้า อยากถิ่มอ้าย หน่ายจนซัง
น้องได้ฟัง น้ำตาร่วง ทวงคำวน
อ้ายฮู้บ่ ฮักอ้าย หลายปีแล้ว
บ่เห็นแวว ว่าอ้ายฮัก เลยสักหน
ยามเฮียงเหล้า น้ำเมาหก ถึงยกตน
ว่าเป็นคน ที่อ้ายฮัก รักเสียจริง
ยามอ้ายดี มีบ่อ้าย สนใจน้อง
ที่เคยบอก หยอกว่าจอง แค่กลอกกลิ้ง
เคยดูแล บ่มีแล้ว ไหล่เคยพิง
น้ำเมาสิง หัวใจอ้าย คลายรักลง
ถึงยามเมา เฮารักกัน มั่นในอก
น้ำตาตก อกช้ำ ทำใจหลง
กว่าจะรู้ กว่าจะซึ้ง ถึงกับงง
บ่มั่นคง ลงหลัก ให้ปักใจ 
เป็นกับแกล้ม แซมวงเหล้า แม่นบ่อ้าย
บ่ได้ดี มีค่าหมาย กับผู้ใด๋
เป็นแค่คน ทนแอบฮัก อยู่ข้างใจ
หมดเวลา ลาเหล้าไป ก็ไม่แล
พอสาอ้าย เซาสาอ้าย อายเจ้าของ
ตอนนี้น้อง รู้แล้วหนา อย่าแยแส
ไปสาอ้าย หาคนใหม่ มาดูแล
น้องยอมถูก ลอยแพ แพ้ผู้เดียว

ฮักน้องตอนเมา 
ดอกรัก    ดวงมาลา
คันอ้ายบ่เมาคือสิบ่โทรมา
กินเหล้าแล้วแจ่งโทรหา
เอิ้นให้มาเป็นเพื่อนแก้เหงา
บ่มีดีกรีคือสิบ่คิดฮอดเฮา
ฮักน้องก็เมื่อตอนเมา
เอิ้นมานั่งเฝ้าเอาอกเอาใจ
บัดยามบ่เมาโทรหากะบ่รับสาย
ฝากข้อความก็เงียบหาย
จักว่าอ้ายไปอยู่แจใด๋
อยากพ้อหน้า บางวันก็ต้องทำใจ
รออ้ายติดนิสัย
คันเมายามใด๋แจ่งคิดฮอดเฮา
โทรมาโลดดอก  เว้าบ่ยอมวางหู
เอิ้นมาอวดหมู่ให้เค้าฮู้อยู่ในวงเหล้า
เอ่ยคำฮัก ฮักหลายตอนที่พี่เมา
บ่อึดแต่แนวสิเว้า ย้องยอเฮาคือคนสำคัญ
ยามบ่กินเหล้าในใจคงไม่มีน้อง
คงเก็บไว้เพียงสำรองอารมณ์นี้จะต้องมีฉัน
มาเป็นกับแกล้มผสมโซดาให้อ้ายสุขสันต์
ได้รักแค่เพียงบางวัน
ได้เห็นหน้ากันแค่วันพี่เมา