ถึงผูกคอตาย..ใต้ต้นบักเขือขื่น(สำเนียงอีสาน) น้องเป็นสาวดาวหมู่บ้านปานอีเกิ้ง อ้ายเหลียวเบิ่งเถิงใดหนอกอดบ่ได้ ออนซอนหลายเพียงกรายผ่านยิ้มหวานใจ เบิ่งไกลไกลใจมีแฮงคำแพงเอย ย้อนอ้ายจนคนซอมซ่อบ่หล่อเหลา น้องบ่เอาเลือกเขาอื่นหมื่นไกลเฉย อ้ายเทียวหาว่าบ่สมถมใส่เลย ให้เป็นเขยเลยบ่เอาแม่เฒ่าพ่อ ถึงผูกคอตายใต้ต้นบักเขือขื่น ยากสิฝืนขืนแข่งตกแต่งหนอ เกิดชาตินี้มีบุญน้อยข่อยบ่หล่อ แค้นใจจ้อพ่อน้องหล่าว่าบ่สม ดาวคือดาวพราวแสงแต่งอยู่ฟ้า วาสนาผู้ข้าน้อยพลอยให้ขม ได้แต่เบิ่งบ่เถิงดอกให้หยอกชม อ้ายจำอมขมใจเศร้าเหงาใจหลาย โชคดีเด้อเออผู้สาวดาวของอ้าย ซำบายกายหมายคำก้อนคนป้อนให้ ให้สมหวังดังใจเจ้าเอาอันใด เบิ่งอยู่ไกลอ้ายนี่หนอกะพอใจ
3859
3
0
7 มีนาคม 2554 19:57 น. - comment id 1186972
ได้แค่เบิ่ง...อยู่ไกล... ...ข่อยกะพอใจแล้ว
7 มีนาคม 2554 20:17 น. - comment id 1186979
ข้อยมาเบิ่งอีเกิ้งด้วยคนเด้อ ไผละเมอถึงดาวสาวอีสาน คอยชะแง้แลหามานมนาน บักเขือขื่นสงสารมันจริงจริง .....มาเรียนภาษาด้วยจ้า.....
8 มีนาคม 2554 10:18 น. - comment id 1187028
ได้แค่ไหนเอาแค่นั้นเนาะ..อิอิ ลองขยีบเข้าใกล้อีกนิดสิ.. สุขอย่าได้สร่าง
12 มีนาคม 2554 10:11 น. - comment id 1187362
นิล อาร์มสตรอง เขาขึ้นไปเหยียบอีเกิ้งจนรอยเป็นเทือกแล้วไปเบิ่งทำไมอีก
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
