กาลครั้งหนึ่งเนิ่นนานผ่านมา มีเรื่องนินทา เว้าพื้นเถิงเจ้าหญิงเม็ดทราย เจ้าหญิงทุกข์ใจไห้หลาย บ่คึดอยากอาย เอิ้นหาแต่ประชาธิปไตย พระราชาพ่อฮักหนักใจ สิไปหาอยู่ไส เหมิดโลกมีแต่คนตั๋วกัน บอกซู่คนสิเท่าเทียมทัน เห็นแต่เสือขบสมัน เอาฮัดเอาเปรียบเอาเหลือ คนไข้คนตายเป็นเบือ ออกตกใต้เหนือ เป็นแต่แนวเก่าเว้าดน แนมลูกสาวแล้วบ่อยากทน สิลองอีกจั๊กหน เอาวะข้อยสิตัดสินใจ หาบ่าวทุกผู้ทุกวัย หากแม้นผู้ใด๋ อยากมาดองนำเจ้าหญิง ไปหาประชาธิปไตยที่แท้จริง เอามาอ้างอิง แล้วสิยกอีนางให้แต่งงาน หลายบ่าวฟ่าวแล่นซมซาน ยกเหตุผลลนลาน อ้างไปทั่วทีบทั่วแดน บ่ถืกใจเสียหายหลายแสน เพิ่นบอกบ่แมน เจ้าหญิงบอกว่าบ่สร้างสรรค์ จนกระทั่งพ่อเจ้าชายแสงตะวัน มาบอกต่อกัน ว่าประท้วงคือประชาธิปไตย เจ้าหญิงเกิดควมเลื่อมใส เซื่อมันเหมิดใจ จึงไปประท้วงทวงถาม เริ่มตั้งแต่ตะเว็นขึ้นตาม- ท่าฮอดตลอดยาม ดวงตะเว็นมิดขอบโลกไป ฮ้อนแดดแผดเผากายใจ หาประชาธิปไตย อยู่ไสคึจังบ่เคยเห็น เฮ็ดนำเว้าสั่งดวงตะเว็น ถืกทุกประเด็น แล้วข้อยคึบ่เห็นอีหยัง เจ้าชายตะเว็นคั้นได้ฟัง กลั้นหัวเราะบ่ให้ดัง คึดอยู่ข้างในใจขำ บ่ได้อยากคึดแต่งงานนำ ย้อนคึดขิวนำ คึดตั๋วอีนางเสยเสย จังเฮ็ดเว้าไปเลยเลย แต่สิบ่เปิดเผย เลยบอกกับเจ้าหญิงเม็ดทราย เจ้าต้องมุมานะอีกหลาย เถิงเหนื่อยเมื่อยกาย อย่าท้อต้องท่าต่อไป อีหล่าบ่ได้ขัดใจ เถิงน้ำตาไหล กลั้นใจเฮ็ดนำคำมัน พระราชาเริ่มสิฮู้ทัน ตะเว็นบ่สร้างสรรค์ สิมาคึดตั๋วลูกเฮา จังเอิ้นบอกให้ลูกเซา ให้หยุดมัวเมา นำคำยุยงส่งเสริม เจ้าหญิงยืนยันคำเดิม ข้อยอยากฉลองเฉลิม ศรัทธาประชาธิปไตย มันสิมีมาฮอดยามใด๋ ราชาอ่อนใจ ส่ายหน้านั่งคึดงึดนำ ลูกถือตั๋วแล้วบ่จำ เป็นเวรเป็นกรรม แอบอ้างประชาธิปไตย สิก่อกำเนิดยามใด พ่อฮู้ดีกว่าไผ มันเกิดยามตะเว็นดับแสง
เชษฐภัทร วิสัยจร 30 มิ.ย. 2549 01:10 น. - ID 90719 
2219
6
0
30 มิถุนายน 2549 06:24 น. - comment id 587372
ยอดมากครับ
30 มิถุนายน 2549 09:21 น. - comment id 587414
30 มิถุนายน 2549 10:05 น. - comment id 587422
ชอบจัง : )
30 มิถุนายน 2549 14:47 น. - comment id 587515
ดี่ใจ่เด้พ่อไท่บ้านเดี่ยวกั่นอีกแล่ววววว คื่อสิได้มวนน่ำกั่นตอเด้อไท่พีน่องเอ๊ยยยยยย
30 มิถุนายน 2549 21:59 น. - comment id 587649
ไทบ้านได๋น้อ เขียนกลอนดีแท้ คือผู้เฒ่าเขียนเนอะ
30 มิถุนายน 2549 22:16 น. - comment id 587659
หน้าส่วนตัว
^*^
^*^
^*^ ยอดเยี่ยมเปี่ยมจินตนาการ ^*^
แนวความคิดดีจังค่ะ
^*^.................^___^....................^*^
1 กรกฎาคม 2549 04:17 น. - comment id 587708
พี่มอมแมม....กะแม่นมาดีใจหลายแท้ 5 5 5 5 5สวัสดีคะคุณเชษฐภัทร วิสัยจร แวะมาอ่านคะ......
1 กรกฎาคม 2549 09:19 น. - comment id 587731
มาย่อง มายอ โดยเฉพาะเด้อ ดีครับ
1 กรกฎาคม 2549 12:24 น. - comment id 587799
2 กรกฎาคม 2549 20:19 น. - comment id 588016
..
29 ตุลาคม 2549 16:33 น. - comment id 620830
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
