ขอโทษครับ...ผมเมา
สิมักอ้ายน้องทำใจ๋ได้บ่หล้า
ฮู้บ่ว่าอ้ายนี่มีแฟนหลาย
แตกซวดซวดปานหนูอยู่ล่ายลาย
ถึงผู้ฮ้ายหน้าแหล่แหล่แต่สาวมัก
เฮือนอ้ายตูบต่อเล้าพอเซาอยู่
คือฮังหนูพอซ้นคนฮู้จัก
สิไห่เฮ็ดจั่งใด๋ไผกะฮัก
สาวมามักมาวนจนอุกอั่ง
ต้อยบ้านใต้มาไหว้แม่ซู่มื้อ
บ้านหนองผือสาวณีกะมีหวัง
นกบ้านเหนือแก้มเรื่อเป็นตาซัง
เทียวมานั่งเบิ่งอ้ายยามไถนา
ติ๋มบ้านโคกมาซ่อยอ้ายเลี้ยงเป็ด
แล้วกะไป๋หาเห็ดอยู่ในป่า
แป๋วบ้านหนองชวนอ้ายไปหาปลา
งมถืกขากะหลายเทื่อเหลือใจแฮง
มาตักน้ำให้ซู่มื้อคือสาวแอ๋ว
ตักน้ำแล้วกะถูเฮือนฮ้ายกว่าแหล่ง
เฮ็ดกับข้าวมาให้ซู่เช้าแลง
กะสาวแดงข้างบ้านนั่นกะแม่น
สิมักอ้ายน้องทำใจ๋
2082
19
0
หน้าส่วนตัว
