ขอเป็นคนดีที่อ้ายบ่ฮัก

ยังเยาว์

ย้อนเหลือโตน ฮักเก่า จึงเข้ากรุ
ติดระบุ หมดเวลา เพราะว่าเขา
น้องเป็นฝ่าย ยอมพลัดพราก เดินจาก...เรา...
ขอเป็นเงา ตามอ้าย คนพ่ายแพ้
อ้ายฮักเขา หลงแฮง เฝ้าแลงค่ำ
ใจน้องช้ำ เจ็บหนัก ฮักเป็นแผล
ปวดและร้าว เข้าชอนไช ในดวงแด
บ่เหลียวแล สักนิด จนผิดใจ
คันน้องฮู้ แม้สักหน่อย เมื่อคล้อยหลัง
คงบ่พลั้ง เผลอไปฮัก ร้าวปักให้
สิบ่ฮัก บ่แพงอ้าย ที่ทิ้งไกล
บ่แบ่งใจ เพื่อรอช้ำ น้ำตาริน
เพียงแค่ฮัก คำเดียว ที่เทียวบอก
รับช้ำชอก เมื่อฮักเฮา ถูกเผาสิ้น
ก่อนอ้ายโผ เลิกห่วงหา ถลาบิน
ไปซบถิ่น อุ่นอกเขา เราจากลา
อ้ายพร่ำบอก น้องแสนดี ทนชีช้ำ
แต่บ่อาจ ทวนจำ คำฮักหา
เจ้าคนดี บ่เคยจาง อ้ายขอลา
ฮักเขาแฮง น้องจ๋า อย่าว่าเลย
ใจบ่กล้า ทำร้ายเขา เพราะเงาพี่
บาปราคี เฮ็ดบ่ลง ต้องปลงเฉย
ทั้งที่ใจ มันร้องร่ำ หารักเคย
ยกให้เลย ยังระกำ ช้ำบ่เซา
ขอเป็นแค่ คนดี ที่ฮักอ้าย
บ่เหยียบกราย ยื้อแย่ง ไปแข่งเขา
ฮู้ดีแล้ว ใจอ้ายนั้น บ่มีเรา
น้องคนเก่า ฮักจืดจาง กะส่างมัน
เจ็บรวดร้าว ปานใด ฝังใจลึก
หยุดคิดนึก วาดภาพ ฉาบรอยฝัน
รับผู้เดียว จวบจนตาย ช้ำรายวัน
บ่คิดปัน เผื่อแผ่เขา ขอเข้าใจ
แต่อยากฮู้ หากเลิกดี พี่จะกลับ
หรือหายลับ ลากัน สร้างฝันใหม่
สิคืนมา คือวันวาน มาสานใย
หรือสิไป กับเขา ...เฮา...ขาดกัน
อยากฮู้เด้อ้าย 
หากน้องเลิกเป็นคนดี
ช่วยตอบน้องมาทีสิฮักน้องบ่
หากน้องเลิกเป็นคนดีสิฮักน้องบ่

คนดีที่อ้ายบ่ฮัก
บุญตา เมืองใหม่
น้องเป็นคนดีที่อ้ายบ่ฮัก
น่าน้อยใจนัก ฮักน้องบ่มีความหมาย
หากฮู้ล่วงหน้า คงบ่ถลำฮักอ้าย
คงหักห้ามหัวใจตอนอ้ายจีบน้อง
อ้ายว่าน้องดีแต่มีคนใหม่
อกแทบสลายตอนอ้ายแยกใจเป็นสอง
จากนั้นยิ่งเจ็บ อ้ายให้ใจเขาทุกห้อง
ยังยอมตกเป็นรองเพราะน้องฮักอ้าย
**ฮักอ้ายหมดหัวใจเพราะอ้ายสอนน้องให้ฮัก
แต่ไม่นานนักก็หลงคนใหม่
ทุ่มเทให้เขา คนเก่าจืดจางความหมาย
มาก่อนแต่ต้องทำใจ 
ยอมเจ็บเก็บไว้ข้างใน อ้ายว่าน้องดี
น้องเป็นคนดีที่อ้ายบ่ฮัก
เกลียดตัวเองนัก เหมือนคนไม่มีศักดิ์ศรี
อยากฮู้เด้อ้าย 
หากน้องเลิกเป็นคนดี
ช่วยตอบน้องมาทีสิฮักน้องบ่
**
หากน้องเลิกเป็นคนดีสิฮักน้องบ่
http://www.pantip.com/cafe/musicstation/song.php?key=507373ba57e072aa06e7d4299ea6386d