น้องยังดี บ่พอ แม่นบ่อ้าย มาเฮียงกาย นั่งข้าง เพราะว่างเหงา บ่ได้ฮัก บ่ได้แพง มาแจงเว้า ต้มตั๋วเอา ใจน้อง แล้วครองไว้ คือใจดำ คักแท้ ตอแหลเก่ง เอาคำหวาน มาละเลง บ่เกรงไผ บ่ย่านบาป กลัวกรรม จึงทำได้ เฮ็ดน้องไห่ มีน้ำตา หน้าบ่อาย มาหัวซา บอกซ้ำซ้ำ คำว่าฮัก เหมือนจะปัก หลักใจ แล้วใยหาย ตั๋วจิกลิ่ก จอกหลอก แท้น้ออ้าย ฮักสิตาย แม่นเปลี่ยนไว น้อใจคน ฮู้อยู่ดอก ว่าเป็นบ่าว สาวเขาฮิต แต่บ่คิด สิผิดคำ ทำสับสน ฮู้อยู่ดอก น้องผู้ฮ้าย น้องมันจน บ่อยากทน ทุกข์ยาก ลำบากตาม คำผู้เฒ่า เว้ากรอกหู ยู้ใจแกร่ง อย่าคิดต่อ คนเสแสร้ง ที่แกล้งถาม กำลังใจ เด้อลูกหล่า พยายาม ให้คนหยาม ถอยหาย พ่ายความดี เฮายังจน อยู่สมจน กะทนได้ ยังมีใจ ให้เข้มแข็ง แกร่งศักดิ์ศรี เรื่องคู่ครอง อย่าเร่งร้อน ผ่อนท่าที คนดีดี ยังมีอยู่ ฮู้ตรึกลง ให้กลับมา ยืนหยัดกาย ท้าทายทุกข์ คำสอนปลุก ป้องใจ บ่ให้หลง "ใจของเฮา กะของเฮา เซาสาปลง แม่นมั่นคง บ่มีไผ เอาไปครอง"
ยังเยาว์ 29 ต.ค. 2548 17:37 น. - ID 82945 
1710
3
0
29 ตุลาคม 2548 22:29 น. - comment id 530533
เบิ่ดคำเว่า เจ้ามาพ้อจังซี่
29 ตุลาคม 2548 23:23 น. - comment id 530573
ใจเขาดำเฮ็ดจังได๋เข้าได้น้อ เมื่อบ่อฮักก็อย่าง้อให้ขุ่นข้อง งามขึ้นมามื่อได๋ไผกะมอง ต่างขอจองเป็นผู้บ่าว...ฟ้าวสิแนม
30 ตุลาคม 2548 19:24 น. - comment id 533002
มาอ่านเบิ่ง ฮู้บ้าง บ่ฮู้บ้าง เพราะ อ้ายคน บางกอกเด้อ อิอิ
30 ตุลาคม 2548 15:07 น. - comment id 535635
คำสอนนี้เป็นคำล้ำเลิศยิ่ง มอบทุกสิ่งที่ผ่านมาหาตอกย้ำ หนทางนี้มีไว้ให้ใฝ่จำ จงน้อมนำคำนี้ไว้ให้สู่ใจ.
แก้วประเสริฐ.
30 ตุลาคม 2548 23:01 น. - comment id 536016
ใผน้อใจดำ มาทำให้น้องเสียใจ มองซอดหน้าต่างยามใด อ้ายเห็นน้องซึมเหม่อลอยท่อนแรกของเพลง แดง จิตรกร
31 ตุลาคม 2548 11:04 น. - comment id 536095
บินมาอ่าน...ผ่านมาเยี่ยมเยียนนะน้องสาว
17 พฤศจิกายน 2548 23:03 น. - comment id 538480
น่าอ่านมาก มาก
19 พฤศจิกายน 2548 01:24 น. - comment id 538839
คึดฮอดอยู่เด้..
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
