ของแซบ...แถบอิสาน

ผีเสื้อปีกบางฯ

.... อิสานถิ่นบ้านของเฮา
นอนเนาอยู่สุขสบาย
ของกินกะมีมากหลาย
เซิญอ้ายมาทดลองดู
.... เห็ดปวกเห็ดไคเห็ดขอน
ออนซอนดอกขาวพูหยู้
เห็ดเผาะพร้อมเห็ดตะกู้
เคียงคู่กับเห็ดกระด้าง
.... เห็ดระโงกเห็ดแทดเห็ดทา
เก็บมาบ่เสียสตางค์
ขึ้นอยู่มากหลายตามทาง
ที่ย่างยามไปไร่นา
.... อิสานบ่อึดแนวกิน
ผักอีฮินผักกุ่มผักขา
ผักติ้วกับผักกาดหญ้า
รสเข้าท่าคือผักลืมผัว
.... ผักหวานแกงใส่เนื้อปลา
กะเดาป่ากินกับลาบงัว
ตำบักหุ่งกุ้งฝอยเป็นตัว
น้องงัวต้มหัวสิงไค
.... แกงบอนใส่ไข่มดแดง
มีแฮงต้มติ้วน้ำใส
ป่นปลากับหน่อไม้ไร่
ลาบไก่ใส่ใบหอมห่อ
.... อ่อมหอยใส่ผักอีเลิด
ที่เกิดอยู่ตามริมบ่อ
กระเจียวลวกกับป่นปลาคอ
แซบหนอลวกผักตำนิน
.... แจ่วเพี้ยนั้นแซบถึงใจ
จิ้มเครื่องในกินกับกระถิน
หากใครได้ลิ้มลองกิน
สิฮ้องแซบลิ้นเหลือหลาย
.... ผักแป้นคู่ซุปบักเขือ
แซบเหลืออ่อมไข่ผำสาหร่าย
แฮ้งคองที่ใบลายลาย
เก็บได้ตามไร่ปลายนา
.... กบเขียดเต้นอยู่โคบโคบ
โอ๊บโอ๊บยามฝนหล่นมา
บักหอยลอยอยู่เต็มนา
แมงดาคู่แมงระงำ
.... แมงกินูนกับแมงกุดจี่
คั่วดีอร่อยเลิศล้ำ
อาหารอิสานลำนำ
ลองหม่ำกันดูสักที.....