เฮ็ดในสิ่งที่เซื่อ เซื่อในสิ่งที่เฮ็ด

เชษฐภัทร วิสัยจร

ขอให้เซื่อ ทุกสิ่งไป คั้นได้เฮ็ด
ในขอบเขต บ่ล่วงความ ตามผะหยา
ขอให้เซื่อ คั้นใจย้ำ นำธรรมา
บุญฮักษา เพิ่นว่าไว้ ให้เฮาจำ
ให้จื่อจด บ่คดโกง ละเฮ็ดเถิด
สุดประเสริฐ เฮ็ดไป นำใจย้ำ
ขอให้เซื่อ สิ่งดีไว้ คั้นได้ทำ
ออนซอนนำ บุญค้ำหนุน ผู้เฮ็ดดี
ขอให้เฮ็ด เฮ็ดดีไว้ นำใจเซื่อ
แบ่งปันเผือ เมื่อเพิ่นด้อย ถ้อยวิถี
บ่เว่าตั๋ว บ่มั่วกาม เฮ็ดความดี
เฮ็ดจังซี่ ที่ใจเซื่อ บ่เหลือแฮง
เฮ็ดนำความ ตามที่เซื่อ เพิ่นว่าไว้
เฮ็ดด้วยใจ ด้วยศรัทธา บ่กำแหง
บ่ลำบาก ยากผู้อื่น บ่หลื่นแฮง
เฮ็ดนำแสง พุทธรรม สิค้ำจุน
อภิธานศัพท์
บทที่หนึ่ง
1.เซื่อ แปลว่า เชื่อ
2. คั้น แปลว่า ถ้า
3.ล่วงความ แปลว่า ดื้อ ไม่เชื่อฟัง
4. ผญา แปลว่า สุภาษิตโบราณอีสาน
5. เฮา แปลว่า เรา
6. เพิ่น แปลว่า เขา ( สรรพนามบุรุษที่สาม )
บทที่สอง
1.จื่อจด แปลว่า จดจำ
2.ออนซอน แปลว่า ยินดี ชื่นชม
3.นำ แปลว่า ด้วย
บทที่สาม
1. เผือ แปลว่า thee vous หรือ vosotros  เป็น สรรพนาม พหูพจน์บุรุษที่สอง ในภาษาอีสานโบราณ
ปัจจุบันนี้ไม่มีคนใช้แล้ว
2.เว้า แปลว่า พูด
3.ตั๋ว แปลว่า โกหก
4.จังซี่ แปลว่า อย่างนี้
5.บ่เหลือแฮง แปลว่า ไม่เกินแรง
บทที่สี่
1. หลื่นแฮง แปลว่า เกินกว่าแรง
2. สิ แปลว่า จะ