26 พฤษภาคม 2547 03:59 น.

อภินิหารสื่อมวลชนกับแม่เฒ่าทรนง

แม่มูลสงบสุข
ข้อยบ่ทุกข์บ่อึดกิน
เฮ็ดนาเป็นอาจิณ
บ่ฮู้จั๊กสิเป็นโจร

บ่คึดเป็นขี้ข้า
ข้อยอยู่มาตั้งบักโดน
ไผสิมาเหลือโตน
มาหลอกตั๋วยั่วหมู่เฮา

จวบเพิ่นมาเฮ็ดเขื่อน
ทุกข์มาเยือนภูมิลำเนา
จั๊กสร้างเพื่อมอมเมา
หรือหมายแก้ปัญหาเมือง

หวั่งปั่นเป็นไฟฟ้า
ผู้เฮ็ดนาตี๊ฝืดเคือง
น้ำท่วมอยู่นองเนือง
นอกทำนบเหนือที่นา

คนเมืองเพิ่นม่วนซื่น
ข้อยกลับฝืนกลืนน้ำตา
ขี้ดินเหมิดราคา
ก็เหมิดค่าควมเป็นคน

ไปหาเอิ้นทวงสิทธิ์
แจแม่นมิดและมืดมน
จังซี่และคนจน
ไผจักเหลียวสิจักแล

สู้มาซาวเจ็ดปี
จวบบัดนี้ที่เพิ่นแฉ
ความเฉยความเชือนแช
ของรัฐต่อประชาชี

แม่ใหญ่เกือบตายทิ่ม
จังได้ยิ้มออกทีวี
เอิ้นหาคนปรานี
เปิดทำนบเหนือที่นา

พบเห็นเป็นตางึด
บ่จักอึดคนอยากหา
กว่าที่สิคืนมา
แจแม่นล้าตาอยากนอน

ขอบคุณกระแสสื่อ
ผู้สัตย์ซื่อตาออนซอน
ปลุกข่าวทั่วพระนคร
ยามแม่ใหญ่ใกล้สิตาย!

คำศัพท์
อึด แปลว่า อด
บักโดน แปลว่า ตั้งนมนาน
ม่วนซื่น แปลว่า สนุกสนาน
เอิ้น แปลว่า เรียก
แจแม่น แปลว่า เสียนี่กระไร
ซาวเจ็ด แปลว่า ยี่สิบเจ็ด
ออนซอน แปลว่า ชื่นชมยินดี
งึด แปลว่า ประหลาดใจ