ครูพิม
วิทยุบอกข่าวถึงคราวยุ่ง
ว่าเมืองกรุงมีขบวนให้ชวนหวั่น
เป็นห่วงอ้ายหลายมื้ออยู่คือกัน
ย้านอ้ายนั้นหลงทางร่วมสร้างกล
อ้ายคนดีมีสุขหรือทุกข์หนอ
ข้อยคนรอขอวอนก่อนหน้าฝน
ให้อ้ายเมือบ้านนามาเบิ่งยล
โขงเอ่อล้นท้นฝั่งเคยนั่งเคียง
มาซ้อนปลาซิวน้อยก้อยไข่มด
มานั่งซดต้มไก่ข้างใต้เถียง
มาเบิ่งควายหลายโตร้องซ้องสำเนียง
มาฟังเสียงไก่ขันประชันคอ
ส่วนพ่อแม่แท้อ้ายจงหายห่วง
ไข้เพิ่นซ่วงดีไวได้ยาหมอ
เพิ่นบอกข้อยให้ท่าตั้งตารอ
วันเฮาพ้อพบกันเป็นวันดี
อ้ายอย่าเบิ่งสาวได๋ให้ข้อยช้ำ
สัญญาย้ำฝากไว้อย่าหน่ายหนี
ย้านอ้ายพ้อสาวงามยามราตรี
ข้อยคนนี้ขออ้ายอย่าหลายใจ
วิทยุบอกล่าวข่าวบ
5201
32
0
หน้าส่วนตัว
