๑. ข้าวเหนียวซิ้นทอดนี้ นำฮัก จากเอิกยายประจักษ์ จิตข้อย ซี้นงัวรสแซบคัก คือกับ กินแซบแต่ยังน้อย นึบข้าวคลุกนัว ๒. อยู่ครัวยายนึ่งข้าว ขมีขมัน ยามไก่บ่ทันขัน คึกฮ้อง กรนตะเว็นหลับนอนฝัน ฟ้ามืด ซิ้นทอดกลับปลุกท้อง ทิ่มด้วยกลิ่นหอม ๓. กลิ่นพร้อมปลุกไก่แจ้ จากนอน ตะเว็นยุรยาตรจร แจ่มฟ้า หลานชายบอกลาหมอน เมี้ยนเก็บ ย่องย่างฮอดครัวบ้า บ่นฮ้องหิวหลาย ๔. ยายเฮ็ดข้าวสูตรข้อย คึดจำ สูตรสอดซิ้นงัวนำ แนบปั้น ข้อยกินแซบทุกคำ ข้าวสุก คึดฮอดควมฮักนั้น เนื่องย้อนตอนหลัง --------------- ๕. ตั้งสติเบิ่งจิตให้ เห็นทัน ตายเปลี่ยนเกิดเวียนผัน ผ่านสิ้น ยายตายแต่ยังฝัน เฝ้าอิ่ม ใจเนอ จากรสนัวทอดซิ้น สื่ออ้างเอิกยาย ๖. ฮักหลายแฮงคึดน้ำ- ตาไหล เพิ่นอยู่สวรรค์ชั้นใด ปากฮ้อง แซบซิ้นทอดสอดใน ข้าวนึ่ง คึดฮอดควมฮักท้อง ถั่งทึ้งเถิงเศียร --------------------- ๗. กาลเปลี่ยนบ่เปลี่ยนเต้น ตามกาล แม้เติบใหญ่ใจชาญ เชี่ยวฮู้ ซิ้นทอดที่โปรดปราน ยังโปรด เปลี่ยนแต่คนทอดสู้ ตื่นเซ้าเข้าครัว ๘. ควมนัวซิ้นทอดท้น แทนฮัก จากเอิกเมียประจักษ์ จิตข้อย ข้าวเหนี่ยวนึ่งหอมคัก คอยปลุก หอมกลิ่นข้าวปั้นน้อย ปลุกให้ไก่ขัน ๙. บันดาลเนรมิตเอิ้น องค์ตะเว็น แสงสาดอุ่นกลืนเย็น เยียบไว้ บอกลาพระจันทร์เพ็ญ เพิ่นส่ง ไอเนอ ตรลบกลิ่นซิ้นไกลใกล้ เกลื่อนเคล้ากลิ่นหอม ๑๐. พร้อมกลิ่นควมฮักเจ้า จัดจาน เมียฮักเอิ้นผัวขาน ตื่นแล้ว กินซิ้นทอดนัวนาน เนื้อแซบ กลิ่นฮักบ่เคยแคล้ว เคลื่อนคล้อยลอยหายฯ อธิบายศัพท์ ซิ้นทอด - เนื้อเค็มทอด เอิก - อก งัว - วัว นัว - กลมกล่อม ตะเว็น - ตะวัน เมี้ยน - เก็บ คึด - คิด คัก - ถึงใจ
เชษฐภัทร วิสัยจร 23 ต.ค. 2552 19:10 น. - ID 130086 
1557
9
0
19 พฤศจิกายน 2552 09:59 น. - comment id 1044586
นกเขาตู้พรากคู่ กะยังขัน กาเวาวอน จากกันกะยังฮ้อง บาดห่าน้องพรากอ้าย ความเดียวบ่เอ้นสั่ง คันบ่เอิ้นสั่งใกล้ กะขอให้เอินสั่งไกล ตั้งแต่ไม้ใหญ่ล้ม กะยังเอิ้นสั่งตอ
23 ตุลาคม 2552 19:35 น. - comment id 1055796
มักคักๆ ถืกใจคักหลาย
23 ตุลาคม 2552 20:07 น. - comment id 1055856
หิวหลายเด้องัวเจมีบ่
23 ตุลาคม 2552 21:20 น. - comment id 1055960
มักบักคักเด้สู 5555~! หิวเลย
23 ตุลาคม 2552 22:16 น. - comment id 1055982
อ่านแล้วหิว...
24 ตุลาคม 2552 03:09 น. - comment id 1056025
24 ตุลาคม 2552 03:34 น. - comment id 1056029
ข้อยสิมัก คัก ๆ อิอิ.... แบบนี้ต้องข้าวเหนียว ปลาร้าบองเนาะ แต่งโคลงแบบนี้ เจ้าสิจั๋งใด๋ สามารถ แท้น้อ ข้อยสิเป็นตาเหลือใจ เยี่ยมค่ะ
24 ตุลาคม 2552 13:13 น. - comment id 1056115
version sound track อ่านยากจังค่ะ งง งง แต่เข้าใจว่า รักไม่เคยจาง อิอิอิ
24 ตุลาคม 2552 18:01 น. - comment id 1056257
สุดยอดเลยค่ะ อ่านแล้วเข้าใจนะคะ เพราะภาษาเหนือ กับอีสานใกล้เคียงกัน บางคำยังใช้เหมือนกันเลยค่ะ
24 ตุลาคม 2552 18:04 น. - comment id 1056258
ปล. เนื้อวัว ภาษาเหนือเรียก จิ้นงัว อิอิ...อ่านแล้วหิว กินกะข้าวเหนียวร้อนๆอีกอารมณ์หนึ่งที่ได้แฝงมาก็คือ ความรัก ความผูกพันที่ผู้เขียนมีต่อ คุณยาย...ความรู้สึกนี้งดงามมากเลยค่ะ
25 ตุลาคม 2552 13:42 น. - comment id 1056568
*คั้นล่ะว่ากลิ่นฮักข้อยผัดลอยลม คือบ่สมใจแท่เป็นแน่แนวใด๋ คนว่าเคยคู่เป็นชู่ฮ่วมใจ๋ กะยังลาไกลไปหน้าน้ำตาย้อยย้อย อิอิ มาแนว มั่ๆๆ ซั่นดอกอ้ายยยย
25 ตุลาคม 2552 23:25 น. - comment id 1056733
30 พฤศจิกายน 2552 18:54 น. - comment id 1069360
เป็นตาแซบหลาย คิดภาพพจน์จนอยากจะ ไปนอนกอดยาย
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
