แถมสมภาร สาธุ เด้อข้ายอกรกราบก้มเหนือเกศเกศี นบนอบองค์สัพัญญูหน่อพุทโธพระองค์เจ้า ข้าขออัญเชิญเข้าเนาในหัวเกล้าเกศลูกแม่ถ่อน เทิงพระธรรมเศฯถ่อนไท้ให้มาเข้าสู่คิงเจ้าเด้อ อีกทั้งองค์อรหันตา เทพเทวาพร้อมพรั่ง ให้มากั้งมาบังทั้งมาแหนห่อหุ้มโฮมตุ้มให้ฮุ่งเฮือง ให้เจ้าเหลืองเหลืองเหลือมใสฮองๆอ่องต่อง พูใด๋เห็นกะให้ย่องยอเว้าว่าดี อย่าให้มีสีเศร้าเนาในเนื้ออ่อน สีก่ำก้อนให้เหลืองเหลื่อมจังไหมให้เจ้าใสจังแก้วแวววาวใสส่อง อย่าได้มีป่องแป้วแนวฮ้ายอย่าเฮ็ดนำ สาธุ เด้อคุณพระพุทธให้ซอยค้ำ คุณพระธรรมให้เสริมส่ง คุณพระสงฆ์ให้ซอยยู้ซูเข้าสู่นิพพานพุ้นเด้อ ข้อยเป็นคนอิสานลูกข้าวเหนียวจึงขออวยพรแบบอิสานหรือที่เรียกว่าแถมสมภาร เอาไว้โอกาสหน้าจะแปลให้ฟังเด้อ
นรศิริ 21 ก.ย. 2551 19:38 น. - ID 118967 
4675
5
0
21 กันยายน 2551 20:57 น. - comment id 897985
อย่าลืมมาแปลให้ฟังนะคะ..
21 กันยายน 2551 21:25 น. - comment id 898008
เอื้อเอ้ย....คันเจ้าได้ไปหน้าอย่าลืมหล้าผู้อยู่หลัง เจ้าอย่าไปหวั้งหวั้ง....ข้อยยังตั้งตาแล..เด้อเอื้อย.. อิอิไม่เข้าใจเท่าใดคือกันค่ะพี่ กลับมาแปลไวไว..เด้อค่ะ
22 กันยายน 2551 09:07 น. - comment id 898103
ลูกข้าวเหนียวกินส้มตำจ้ำปลาแดก มาอให้บุญส่งยู้เด้อจ้าเอื้อย
22 กันยายน 2551 15:59 น. - comment id 898236
23 กันยายน 2551 10:15 น. - comment id 898519
แก้วประเสริฐ.
23 กันยายน 2551 16:16 น. - comment id 898695
อีหลีตั้ว...
24 กันยายน 2551 10:54 น. - comment id 898962
นึกว่าทอดกฐินแล้วแถมสมภาร อิอิ
หน้าส่วนตัว
กลอนอกหัก รักหวานซึ้ง
กลอนอวยพร
กลอนให้กำลังใจ
กลอนให้ข้อคิด
