เพชรพรรณราย
(ถ้าจะให้ดี อ่านติดสำเนียงหน่อย ๆ นะครับ )
อยากเมือบ้านอีสานเก่าเฮาอาศัย
อยากเมือไปใจคึดฮอดกอดความเหงา
อยากพบพ้อพ่อแม่น้องผองหมู่เฮา
อยากสิเว้าถึงความเหงาให้เจ้าฟัง
นานปีแล้วแผ้วถางทางย่างหาฝัน
พ้อแต่อันมันเจ็บเหน็บใจฝัง
ฮอดมื้อนี้ใจท้อถ้อยด้อยกำลัง
คึดหันหลังตั้งใจให้เมือบ้าน
ป่าดินดอนขอนแก่นแผ่นดินเฮา
ยังคือเก่าบ่หนอนี่ที่เคยผ่าน
แผ่นดินเกิดกำเนินก่อต่อเฮาท่าน
ถิ่นสถานบ้านหมู่เคยอยู่กิน
คึดฮอดต้นดอกจานหน้าบ้านเฮา
ผักกะเดาต้นเก่าก่อนย้อนคืนถิ่น
เถียงนาน้อยคอยหลบฝนยามหล่นริน
บ่เคยสิ้นถวิลหาบ้านบ้านป่าดอน
อีกบ่นานปานใดดอกบอกเมือหวน
เมือไปหม่วนทวนความหลังครั้งเก่าก่อน
2536
6
0
หน้าส่วนตัว
