เชษฐภัทร
บักหล่าลูกคึดเบิ่งตี๋
เบิดชั่วชีวี
บ่ฮักเจ้าแม่สิฮักไผ?
ฮักลูกฮักเบิดหัวใจ
อันตรายใดใด
แม่คุ้มแม่ครองป้องกัน
สายเลือดหล่อเลี้ยงผูกพัน
อุ้มเจ้าในครรภ์
เก้าเดือนแม่อดแม่ทน
จวบมื้อเจ้าเกิดเป็นคน
ลำบากลำบน
แม่เลี้ยงเบิ่งเจ้าเฝ้าชม
หยดเลือดฮินผ่านผสานผสม
กลั่นเป็นน้ำนม
จากอกให้เจ้าดื่มกิน
แม่คึดแต่ฮอดเจ้าเฝ้าถวิล
สะอื้นไห้ได้ยิน
แม่โอบแม่ออยแม่โอ๋
ท่ามือเจ้าเติบเจ้าโต
เซาฮ้องเยโย
สิส่งเจ้าเข้าฮ่ำเข้าเฮียน
หัดเว้าหัดอ่านหัดเขียน
ให้จักพากเพียร
สิได้เป็นเจ้าคนนายคน
แม่ยากแม่อดแม่ทน
เบิดเว็นสาละวน
แลกเงินด้วยเหงื่อแฮงงาน
เหงื่อแม่
1850
4
0
หน้าส่วนตัว
