อีเมล์ถึงนางฟ้า.......เด้อ..

สุรศรี

อีเมล์ถึงนางฟ้า
ซำบายดีน้องหล่า	คำแพงนางฟ้าพี่
เขียนอีเมล์มามื้อนี้	ฟังอ้ายสิกล่าวขาน
มือนี้เขียนจากห้อง	มอสองอยูหม่องเก่า
หัวใจอุกอั่งเอ้า	คึดฮอดเจ้าอยู่สู่ยาม
กินข้าวงายกับหยังหล่า	กับปิ้งปลาหรือปิ้งไก่
กับทอดไข่บ่น้อง	หรือนางหล่ากินอีหยัง
หรือเจ้ากินบ่ได้	อาหารไทยพื้นบ้านเก่า
กินสปาเก็ตตี้		กินแต่อบพิซซ่านางหล่าจั่งสิไล
เข้าแต่ในเซเว่น	กินอาหารญี่ปุ่น
คั่วจินูนแกงหน่อไม้	เจ้าลืมได้ก้อยกะปอม
น้องอย่าไลลืมถิ่ม	มูลมังแต่ครั้งเก่า
ลืมพ่อแม่อ้ายน้อง	ไปหลงย้องผู้อื่นดี
เงินเดือนหลายอยู่บ่หล่า	สิ้นเดือนมาเหลือจักบาท
เงินเขินขาดอยู่บ่น้อง	ส่งทางบ้านเดือนท่อได๋
คันเหลือกินเหลือใซ้	ให้เก็บกำไว้แหน่
พ่อแม่เฮาอยู่บ้าน	ยังคอยท่าหม่อมพะนาง
มือนี้พอส่ำนี้		อ้ายขอลานางฟ้าก่อน
สอนนักเรียนก่อนเด้อน้อง นางฟ้าให้อยู่ดี
คันมือนี้เจ้าว่าง	ให้โทรหาอ้ายแหน่
คันแม่นอ้ายว่างว่าง	โทรหาเจ้าคือเก่าหลัง...เด้อ.......
.................
คำเรียกผู้หญิงที่เป็นที่รัก
1..นางหล่า  คำหล้า   หม่อมพะนาง   คำแพง (คำ...ทองคำ  แพง...รัก  หวง)
2. หม่องเก่า.......ที่เก่า
3..อุกอั่งเอ้า........กลัดกลุ้มมาก
4..ฮึดฮอด...........คิดถึง
5..สู่ยาม..............ทุกเวลา
6..หยัง  อีหยัง......อะไร
7..ไล.........ละทิ้ง  ลืม
8...คั่วจินูน.......คั่วแมลงชนิดหนึ่งโรยเกลือนิด ๆ
9...มูลมัง.........มรดกเก่าแก่
10..ย้อง............ยกย่อง
11..ท่อได๋.........เท่าไร
12...ใซ้........ใช้
13...แหน่.....หน่อย
14..คัน..........ถ้าหาก
15..พอส่ำนี้........พอแค่นี้